ودي بس اعرف....؟؟!!!؟؟

السلام عليكم ورحمة الله وبركاته
عندي كثير اسئلة تدور في بالي كثير كثير
مادري لو كان ينفع اسألها ولا لا
بس ابي اعرف ابي جواب لأسئلتي
نحن ليش انخلقنا ؟ اوكيه اعرف انه نحن انخلقنا علشان نعبد ربي ونعمر ها الارض
لكن في ناس لا يعبدون ربهم ولا يعمرون هالارض ، انزين وش فايدة وجودهم في هالدنيا؟
اوكيه رح أقول انهم يعصون ربهم وهذا هو عملهم في هالدنيا ، طيب ليه يعصون ربهم
اهم ما يستحون من ربهم يلي خلقهم وسواهم وهو سبب وجودهم في الحياة ؟ ،طيب بقول انهم
ما يستحون من ربهم ، إذا كانوا ما يستحون من ربهم أكيد لازم يكونوا خايفين منه صح ولا لا؟
بس أنا ما اشوف فيهم هالخوف يا ترى هم ما يخافون ؟ في ناس ما تخاف ربها؟ في ناس ما تستحي من ربها ؟
في ناس ما تعرف ربها ؟ لا أكيد كل الناس تعرف ربها بس وينهم ما اشوفهم قلوا في ها الزمان
أنا تعلمت في المدرسة ومن الحياة ومن أمي وأبوي انه اللي يعرف ربه لازم يخافه ويستحي منه
لكن أنا ما اشوف هالشي!! وينهم الناس الي يخافون ربهم ويعرفونه؟ هم موجودين؟؟ أكيد موجودين بس وينهم؟؟
أنا ما رح أقول إني ما عصيت ربي ،أنا عصيته وأخطيت و بس اعرف اني اخطيت أتوب لربي وارجع له لأني أعرفه رحيم ويقبل توبة العاصي ، بس في ناس يعرفون انهم يخطون بس ما يتوبون يا ترى اهم يعرفون ربهم؟

يارب اعنا على طاعتك..

مشكوووور اخوووي هيبة ملك كلامك كله صحيح مابه احد مايعصي ربه بس المهم التوووووووووووبه بهالزمن الواحد مايقدر يمسك نفسه كل شي قدامه الله يرحمنا ويعينا على انفسنا...

مشكووووووووووووره اختي الله يعطيك العافيه
والانسان مو معصوم من الخطا والخطا مو عيب العيب الرجوع اليه وعدم الندم عليه
واهم الشي التووووووبه والاستغفار فانه يمحو الذنوب ولو كانت مثل زبد البحر
حبي وتقديري//مس نعومه