السلام عليكم ورحمة الله وبركاته
هالمووضوع الهدف منه هو ان نقول وبصراحة وبدون تجريح ماهي الاشياء التي لا تعجبنا في الاعضاء دون تحديد اسماء حتى هؤلاء الاعضاء يغيرون من طرقهم وانفسهم ويفيدون ويستفيدون من المنتدى
وهذا لا يعني اني افضل واحد لا بالعكس علي ملاحظات كثيرة بعضها وصلتني عن طريق الايميل وبعضها قيلت مباشرة في الردود وانا اشكر هؤلاء على ملاحظاتهم
لكن رجاء اتمنى ان نلتزم بالطرح دون تجريح فالهدف هو التطوير من انفسنا في هذا المنتدى الذي يجمعنا كاخوان واصدقاء
وبداية ملاحظاتي:
1-بصراحة اغلب الاعضاء مشاركاتهم مكررة وبايخه وماصلة مثل "يسلمو" "ويشرفني اكون اول واحد يرد عليك" طيب الى متى وانت بتكتب هالكلام ما عندك غيره ياخي اكتب شيء مفيد علق ناقش عطنا فكرة جديدة ما مليت من يسلمو ويشرفني اول واحد يرد عليك. تلقى العضو يكتب موضوع ويتعب فيها يجيك هذا بكل برود ينطل هالكلمة يسلمو!! وما تشوف الا غبارة او تشارك انت في موضوع هو كاتبه وتنتظر رد على كلامك يرد عليك يسلمو!! احسه ببغاء الي في كل موضوع كاتب يسلمو ولا وش رايكم
2- كثير من الاعضاء يستخدم اكثر من معرف وناس كثير اقراء مشاركاتهم عارف ان عنده اكثر من معرف يجلس يرفع ويرد على نفسه احيانا في موضوعه بغباء ويفكر الناس غبية مثله ما تعرف السالفة... طبعاً الاشكال هذي موجود في كل منتدى ومالهم حل الا طلب الشفاء العاجل لهم لان شخص يكذب على نفسه ماله الا تطلب له الشفاء.
3- هذا المنتدى اغلبه بنات لكن الملاحظ ان فيه شباب يستخدم معرف بنت وهذا مايحتاج ذكاء عشان تفرق بينهم لكن هو مثل الي مدخل راسه في حفره وجسمه طالع للناس كلهم. ودي اسئله وش تبي بالضبط يعني كنت بنت كنت ولد وش المشكلة او بمعنى اصح وش يعنيني هذا
4- بعض الاعضاء يكتب بخطوط مشربكة وملخبط والله ما ادري وشهو كاتب ستة الاف همزة ومد وكسرة وفتحه على كلمة وحدة انا بصراحة ما اعرف اقراء مثل هالمواضيع عشان كذا ما ارد عليها لان من وجهة نظري الي يضيع وقته في الكتابة بالهشكل انسان فارغ من الداخل
هذا الي اذكر الحين اذا ذكرت شيء راح اضيفه
تحياتي للجميع
8/5/2009, 6:46 am
