مرتن من المرارير راح شخص لـ المزاحميه عشان أشتري أغراض العيد <<< يقاله ما عندهم أسواق
فاصلـ / المزاحميه منطقه تابعه للرياض بعد نزلة الزديه بخمس طعشر دينار كيلو جرام
<<< يسمع بالمسافات
وتتميز المزاحميه بوفرة نبات الحميض والقرقاص والبسباس والفستق الحلبي
<<< الأخيرهـ من عندهـ
وتشتهر هذه المدينه أيضاً بكثرة مطاعمـ البخاري ومحلات المطبق
وهي مشابهه لحد كبير لمدينة مرسيليا في فرنسا <<< كثر منها
المهم و انا في الطريق و مشغل أغنية هيفاء وهبي : البارحه يومـ الخلايق نياما
<<< من أولتها سطعهـ
المووهمـ الا وشوي حسيت الدنيا تدور فيني تسني راكب الصحن الدوار اللي في ملاهي الخيمه
<<< لسكان الرياض فقط
و انا اللي اقوم نفسي و اقول يا ولد الله يستر لا اكون حاملـ على هالعيد
<<< ينعن اوومـ الشطحهـ يابوو
شوي قلت لا لا الظاهر هذي موب دووخه هذي الدنيا قاعدهـ تدور فيني
<<< مسوي جبت شي جديد
المهم وصلت للمزاحميه و انا دايخ دوختن مايعلمـ بها ألا رب العباد
أستأجرت كوخ <<< بدايه النصب ....
و نمت فيه لاني مثل ما تدرون دايخ وخاثر ومافيني حيلـ
المهم صحيت في الصباح الباكر على زقزقة العصافير و صوت البلبل
وصراخ الفيل و زئير الأسد ودموع الحيرآن <<< مالها دخلـ
رحت للسوق عشان اشتري من هناك غرض و دخلت السوق و انواع البنات يشطفون من عندي
و كل وحدتن تمر ريحت عطرها احلى من الثانيه و انا فاقن هالخشه و مبسوط و خشمي مره يروح يمين ومره يسار
المهم رحت عاد و شريت الغرض ومريت كشكـ حق كافي وقلت وشعندكـ ياصديق
قعد يبربر علي يقوولـ عندنا موكا ولاتيه وأسبريسو وكافي توفي وقهوهـ كركش ومعصوب
قلت اقوولـ خلـ عنكـ هالخرابيط وعطني شاهي بالحليب
وأن حصلـ تحط معه عذق حبق ولا نعناع تراها مهيب شينه
المهم قعدت اشرب و اشرب و اشرب للعلم طول الوقت اشرب
والشاهي مقفل من فوق يعني أشرب هوى
وأقوومـ وأرجعه له وقلت ماتستحي على وجهكـ يالتسلب الأجرب معطيني مشروب فاضي
<<< حطوا عشر طعشر خط تحت مشرووب
المهم عقب ماعلمني شفت الكاس و لقيته مقفل قمت اضحك على نفسي و قلت والله لو واحد ثاني غيري كان ما شربه وهو مقفلـ <<< اغبى من كذا لم ارى
المهم قلت بأتمشى قليلآ لعل و عسى وحدتن تنخدع و تشوف شكلي و تحسبني وائلـ كفوري
ولا توم كروز و الا عبدالله السدحان و تحبني
<<< السدحان دخل عرض لأني تذكرت ابو مساعد و انا أكتب القصه
المهم قعدت اتمشى انا و لبسي اللي لابسه لابس فنيله علاق و برمودا على بالي اني ساكن في السوق
المهم و انا امشي الا ذيك البنت اللي جالسه اللي تطيح الطير من السماء جمال و رقه و حنان و فوزيه و كل شي
و انا اللي اقمز عندها و ابادرها و اقولها ...
السلام عليكم
قالت و عليكم السلام نعم خير ...
قلت ابد اختي ممكن اعرف بوابة الخروج وينها معه < عذر اقبح من ذنب
قالت رح طوالي و لف يمين بعدين يسار تلقاه في وجهك !!
قلت معك مرايه قالت ليه ؟؟
قلت بأشوف البوابه في وجهي
قالت انت غبي قلت لا أبو سارهـ
قلت وأنا مطأطأ رأسي للأسفلـ والإحمرار يعلو خدودي نعمـ نعمـ يافتاهـ أنا أبو سارهـ بزااتوهـ
قالت واللهي قلت يص يص قالت عطني دليل قلت اي دليل الهاتف حق الشرقيه والا حق الرياض
قالت لاتسهبلـ أخلص عطني شي يثبت
قلت اممممم أنا مدحت كشري سابقاً
قالت قلـ قسمـ
قلت قسموون ثمـ قسموون
قلت طيب ممكن نتعرف عليتس يا أخت العرب والعربان
قالت أنا الخيلـ والسيف والبيداء تعرفني
قلت أقوولـ أنثبري بس ولايكثر أخلصي علي من أنتي ياهذهـ
قلت انتي........ماغيرها قالت ايه قلت صراحه ماتوقعتك كذا جمآل خلآب
قالت هذي خلقه الله وش اسوي <<< ياحبنيلها متواضعه
المهم قلت تعالي نتمشى قليلا في الجو العليل قالت هيا بنا
<<< حسيت أني في أفتح ياسمسم
وقعدنا نتمشى ونسولف وكلـ واحد يقوولـ للثاني عن طفولته البريئه ووضعه الدراسي وكذا
قالت ممكن اسألك سؤالـ ؟؟
قلت لا تراني موب مرتبط
قال وش تبي انت؟؟
قلت سلامتس <<< طاح وجهي
المووهمـ شطحت علي شطحه مدري وش تبي قالت ممكن ماترفع يدك
قلت ليه ..؟؟
قال شعر أباطك كثير انت و هالعلاق اللي لابسه قلت اولآ اسمه كت < يقالي اعرف
ثآنيآ ما عندي موس و الدكاكين مسكره <<< امحق عذر ..
قالت لا ترفع يدك و بس
قلت طيب لاتدفين
قلت لها ممكن سؤال ؟؟
قآلت آمر يا أخ العرب ..!
قلت ممكن ما تتكلمين قالت ليه قلت ريحه خشتس الله يهديتس كاتمتني حتى البرقع ودهـ يطيح
شووي الا والله وتناحش مني وتروح عند جدار السوق وتحط يدها على الجدار تسنها تلعب واحد طش وقاعدهـ تصيح وتغني أغنية رابح : أنت مؤلمـ أنت قاسي وترددها خمس مرات
قلت يابنت الحلالـ وقصمـ تراني أمزح وأنتي خابرتني عيار وكذا
وبعدين أنتي اللي بديتي وشبيتي فيني الله مير يسلمتس بس ..!!
قالت خلاص أقطع المعرفه وأنزلع برى السوق ما أبغى أشووف فيسكـ يامفتري <<< متعوب على الكلمه الأخيرهـ
المووهمـ أنا خلاص توني برووح ويوم شافتني مولي قالت لحظه تعالـ
وأنا اللي أجي مسرع وفاقن خشتي عشرهـ قيراط
قالت أقرب شووي !!
قلت شلوون يعني ؟
قالت قرب وجهكـ عند وجهي
وأنا اللي تضيع علومي وأغدي تسني كرتوون كوووسه من الخقه
وأقرب خشتي عندها شووي ألا وتهوب علي بيدها اليمين وتصفقني بذاكـ المخمس بيدها اليسار وتعطيني هوود براسها على جبهتي وأنا اللي أطيح على الأرض وتطب فوق بطني بركبتها وتمسكـ راسي مسكه منومه وقامت تعد واحد ثنين ثلاثه وأنا مغمى علي
وتقومـ تصفق وتطامر في السوق وتقولـ فزت فزت <<< مهبلـ اللهمـ لكـ الحمد
وفي غمرة الإنتصار والفوز وأنا اللي أقوومـ وأهبدها مع راسها بالزنوبات اللي علي
المووهمـ قعدنا كلنا طايحين ومغمى علينا ويوومـ مر برهتن من الزمن قمنا سوا وقالت ليش سوينا في أنفسنا كذا
قلت اندري عنتس
قالت طيب صحيت ومدت لي أصبعها الصغير
قلت ما ابيك انقلعي بس !!
وامشي واخليها و تلحقني و ماسكتن فنيلتي و تقول بليز لا تروح و تخليني
قلت وخري بس انتي عاهه على المجتمع المسلم و الأمه المتحدهـ العربيه الإسلاميه
قالت مسووي تتغلى عشانكـ تشبه محمد عبدهـ
قلت وخري بس ياحياة الفهد
المهم و اطلع و اخليها شوي الا الهيئه تلحقني وهي معهم وتقول هذا يا حضرة الضابط اللي خاطفني <<< هيئه و حضرة ضابط ما تجي
و انا اللي انحاش نحشتن ما عمري شفت زيها و يلحقوني و يوم وصلت عند الباب ذاك اللي اذا قربت من عندهـ ينفتح <<< مايعرف وش يسمى
انفتح و توني مدخل راسي و ينصك علي و ينقطع راسي و تمسك براسي
و قالت أبو سارهـ وش فيك <<< الله من السباكه اللي فيكـ وفيها
قلت وخري بس و حطي راسي في جسمي خليني ارجع الرياض
قالت لا ما راح احط راسك و ترفع راسي و تشوته و فيه واحدن غبي سوى نفسه حارس و ما قدر يمسك راسي
و ادخل انا و راسي هدف و تروح تفرح و المطاوعه يلاحقونها
و تسوي فرحة الهدف اللي تسنها تقنص < يقالها ياسر القحطاني
و توفيت و لله الحمد < احم احم اقصد الله يرحمني
أتمنى تعجبكم القصيصه
و اتمنى انها آخر الأحزان <<< راعي طويله ودهـ يسوولف
مايستفاد من القصهـ :
1- المزاحميه أفضلـ ديرهـ من ديار العربان ..
2- أفضلـ مشرووب في السوق شاهي بالحليب مع وريقاات من الحبق العدني ..
3- عند السفر يجب أخذ موس حلاقه تفادياً للإحراج ..
4- لاتكتب قصه وأنت فيكـ نوومـ مثلـ محاتسيكمـ الموقر ..
5- أهمـ شي الأخلاق ..
ملطوووووووووووووووووووووووووووووووووووووش******
تقبلوو تحياااتي
12/6/2009, 6:02 am